.png)
Një ngjarje e rëndë është regjistruar në qytetin e Bulqizës, ku janë helmuar disa nxënës të gjimnazit në Shupenzë.
Policia në një njoftim zyrtar ka bërë me dije se ngjarja ka ndodhur rreth orës 13:10.
Siç njofton policia, në një klasë mësimi në shkollën e mesme, një nxënës ka hedhur duke luajtur një sprajt me aromë, ku 10 prej nxënësve kanë shfaqur probleme shëndetësore.
Një helikopter është nisur nga Tirana për të marrë dy prej nxënësve të gjimnazit që do të marrin mjekim më të specializuar në Spitalin e Traumës në kryeqytet. Ndërkohë, mësohet se është stabilizuar gjendja e tetë nxënësve të tjerë që janë të shtruar në spitalet e Peshkopisë dhe të Bulqizës.
Grupi hetimor po kryen hetimet për zbardhjen e plotë të rrethanave të ngjarjes.
Më herët, një rast i tillë u regjistrua edhe në një shkollë në një fshat në Shkodër, ku u helmuan mbi 60 nxënës, pasi kishin konsumuar ushqim në një fast-food.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
