.png)
Të dielën u zgjodh më e bukura e botës, duke shënuar fundin e një konkursi të diskutueshëm të organizuar këtë vit në Izrael.
Fituese ishte 21-vjecarja Harnaaz Sandhu nga India e cila në një fjalim gjatë konkursit, u kërkoi të rinjve “të dinë se jeni unikë dhe kjo është ajo që ju bën të bukur, mos e krahasoni veten me të tjerët. Kam besuar në veten time dhe kjo është arsyeja pse po qëndroj këtu sot”, shtoi ajo, duke marrë duartrokitje të forta nga publiku.
Konkursi u mbajt në qytetin turistik të Eilat, me 80 modele nga e gjithë bota që konkurruan për kurorën. Mbrëmja e së dielës ishte dita e fundit e garës, ku eliminimet ngushtuan numrin e finalistëve deri sa mbetën dy të fundit.
Nadia Ferreira e Paraguait dhe Lalela Mswane e Afrikës së Jugut ishin shoqërueset, e para dhe e dyta.
Konkursi u drejtua nga komediani Steve Harvey, i cili në një moment të natës e pyeti Sandhun: “Dëgjova se bën disa imitime mjaft të mira të kafshëve, le të dëgjojmë më të mirën tuaj”.
Harvey u kritikua më vonë në internet duke thënë se ishte një pyetje e papërshtatshme.
“O zot, Steve, nuk e prisja ta bëja këtë në skenën botërore”, tha ajo e habitur, përpara se të demonstronte disa imitime.
Në një seancë të mëvonshme pyetjesh dhe përgjigjesh, kur Sandhu kishte arritur në top 5, ajo shfrytëzoi rastin për të përhapur një mesazh mbi ndryshimin e klimës. “Kjo është koha për të ndërmarrë veprime dhe për të folur më pak”, tha ajo. “Të parandalosh dhe të mbrosh është më mirë se të pendohesh dhe të riparosh”.
Pasi u shpall fitorja e saj, ajo festoi me konkurrentët e tjerë në skenë, duke bërtitur para një aparati fotografik, “Chak de Phatte India”, një fjali që do të thotë “Le ta bëjmë këtë, Indi!”
Konkursi i këtij viti shënon konkursin e dytë Miss Universe të epokës Covid. Kufijtë e Izraelit ishin vendosur të hapeshin për turistët e vaksinuar përpara ngjarjes kryesore të këtij viti, ku do të merrnin pjesë mijëra njerëz.
Por me shfaqjen e variantit të ri Omicron, qeveria izraelite mbylli kufijtë e saj për të huajt dy javë përpara konkursit. Një konkurrente, Miss France, rezultoi pozitive me Covid-19 pas mbërritjes në Izrael dhe duhej të karantinohej duke dalë në kohën e duhur për garën paraprake të premten.
Konkursi kishte gjithashtu disa kritikë dhe vende që bënin thirrje për bojkot, si me ngjarjet e mëparshme ndërkombëtare të organizuara në Izrael.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
