Harley-Davidson Inc ka ulur parashikimet në lidhje me të ardhurat për këtë vit, pasi tarifat e reja doganore kanë ndikuar në një rënie të theksuar shitjesh për prodhuesit e motorëve.
Kompania është shprehur se pret që marzhi i operimit, një matës i rentabilitetit, të jetë 9% deri në 10% këtë vit, nga 9.5% në 10.5% më parë.
Prodhuesi me qendër në Milwaukee u shpreh në muajin qershor se do të zhvendoste më shumë pjesë prodhimi jashtë vendit për të shmangur tarifat e reja doganore të shpallura nga Bashkimi Europian në përgjigje të tarifave të administratës Trump për çelikun dhe aluminin.
Shitjet e Harley në Europë dhe në tregjet e tjera të huaja janë bërë gjithnjë e më të rëndësishme për kompaninë, pasi shitjet në shtëpi do të shtyhen për më vonë për shkak të tarifave doganore.
Shitjet me pakicë në SHBA të Harley ranë 6.4% në 46.490 në tremujorin e dytë, ndërsa shitjet ndërkombëtare u rritën 0.7% në 31.938.
Kompania është shprehur se shitjet globale të motorave të saj ranë 11% në tremujorin e fundit, por Harley mbajti parashikimin e shitjet 231,000 deri në 236,000 motora për këtë vit.
Megjithatë, aksionet e Harley u rritën 4.5% në 43.30 dollarë në periudhën para-tregtare, pasi të ardhurat e kompanisë për aksion tejkaluan lehtë vlerësimet e analistëve. Para të martës, stoku kishte rënë 19% këtë vit, duke ngadalësuar shitjet e SHBA –ve dhe shqetësimet rreth ndikimit nga tarifat.
Rezultatet e Harleyt të publikuara të martën janë të dhënat më të fundit nga kompanitë shumëkombëshe që tregojnë se si i përgjigjen tensioneve tregtare dhe tarifave.
Pjesa e tregut të Harley-Davidson në SHBA për motorët e mëdhenj ra në 48.4% në tremujorin e dytë nga 50.4% në të parën.
Presidenti Donald Trump dhe zyrtarët e Bashkimit Europian kanë kritikuar lëvizjen e Harleyt, duke thënë se kompania po tradhton imazhin e saj “Made in America”.
Drejtuesit e Harley kanë thënë se motorët e shitur në SHBA do të prodhohen në vend, por vuri në dukje se kompania ka nevojë të lëvizë për të ndryshuar politikat tregtare. Harley u ka thënë gjithashtu investitorëve se e ardhmja e kompanisë varet nga thithja e klientëve të rinj jashtë vendit.
Tremujori i fundit i kompanisë përfundoi më 1 korrik, rreth një javë pasi tarifat e motorëve hynë në fuqi, kështu që ndikimi i drejtpërdrejtë në rezultatet financiare të kompanisë të publikuara të martën është i kufizuar.
Harley ka thënë se do të shkurtojë përkohësisht shpenzimet e tarifave për motoçikletat e saj në Europë dhe do të marrë një fitim në vend të rritjes së çmimeve.
Në përgjithësi, të ardhurat nga motorët dhe aksesorët ranë 3.3% në 1.53 miliardë dollarë.
Kompania shënoi një fitim prej 242.4 milion $, ose 1.45 $ në aksion, krahasuar me 258.9 milion $, ose 1.48 $një aksion, një vit më parë. Duke përjashtuar kostot e caktuara, kompania raportoi fitime për aksion prej 1.52 dollarë. Analistët, parashikonin mesatarisht, të ardhura prej 1.34 $ për aksion./WSJ/*Sabina Veizaj/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
