Hapet dogana e Qafë-Botës për gjithë punëtorët sezonalë.
Dogana pritet të hapet nga data 25 tetor deri më 10 nëntor.
Punëtorët sezonalë pritet të kalojnë për të punuar në vjeljen e agrumeve në Greqi.
Ndërkohë mësohet se edhe testi për COVID do të realizohet falas për punëtorët në doganë.
Dogana e Qafë-Botës është mbyllur prej datës 21 korrik përfundimisht pasi më parë ka qenë e hapur të paktën për kamionët.
Ndërkohë të shtunën banorë të Sarandës, Konispolit e Finiqit, protestuan para doganës për hapjen e saj.
Megjithatë qeveria greke duket se ka marrë vendim për ta hapur vetëm për punëtorët sezonalë, pasi kërkesa në rajonin e Thesprotisë është për të paktën 2000 të tillë që pritet të punojnë në vjeljen e agrumeve.
Ndërkohë, Greqia ka shtyrë sërish deri më 25 tetor mbylljen e kufirit me Shqipërinë, Maqedoninë e Veriut dhe Turqinë për shkak të shtimit të numrit të të infektuarve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
