Vazhdon beteja e Lewis Hamilton kundër racizmit. Kampioni anglez ka shfryrë sërish në rrjetet sociale pas protestave që kanë shpërthyer në gjithë botën për vdekjen e George Floyd, por këtë herë, ka folur për një çështje që i përket vendit të tij të origjinës, ose më saktë rrëzimit të statujës së Edward Colston nga ana e disa manifestuesve në Bristol: “Thuhet se duhet të shkojë në muze, por statuja e atij njeriu duhet të përfundojë në lumë, ashtu si shpirtrat e 20.000 afrikanëve që humbën jetën gjatë udhëtimit dhe u hodhën në det, pa varrim apo memorial – ka shkruar në Instagram piloti i Mercedes – I rrëmbeu nga familjet e tyre, nga vendi i tyre e nuk duhet të përkujtohet!”.
Colston ishte një tregtar anglez në shekullin e 17-tw, që u përfshi në tregtinë e skllevërve ai anëtar i Royal African Company. Monumenti i dedikuar për të u rrëzua në 7 qershor dhe u tërhoq zvarrë deri në portin e Bristol, ku protestuesit e lëvizjes Black Lives Matter e hodhën në lumin Avon: “Edward Colston ishte një përbindësh që ka blerë, shitur e tregtuar qenie njerëzore, duke i detyruar në skllavëri deri në vdekje – ka kujtuar Lewis, që vetëm pak ditë më parë ka treguar bullizmin e pësuar kur ishte i vogël për shkak të ngjyrës së lëkurës – Askush që ka kryer këto veprime nuk duhet nderuar në asnjë mënyrë. Është terrorizëm. Tani e atëherë. Nuk duhet të kishte pasur kurrë një statujë. Jam krenar për aktivistët e Bristol që e rrëzuan. Hiqini të gjitha, kudo të jenë. Unë e mbështes këtë gjë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
