.png)
Nga Gazeta 'Si'- Presidenti rus Vladimir Putin u përball me një imazh të një flamuri ukrainas në një billbord digjital ndërsa vizitonte Kazakistanin.
Një çështje penale është nisur në Kazakistan , i cili ndan një kufi prej 7,500 kilometrash me Rusinë , pasi flamuri ukrainas u shfaq në një ekran pranë ndërtesës së operës në kryeqytetin e Kazakistanit, Astana.
Putin visited Kazakhstan for the second time this year.
— Anton Gerashchenko (@Gerashchenko_en) November 27, 2024
He was greeted with a huge Ukrainian flag on a large screen on a building. Russian media said it was a hacker attack. pic.twitter.com/SoyKuWkboj
Ministria e Punëve të Brendshme të Kazakistanit ka nisur një hetim për incidentin.
“Është hapur një çështje penale. Po përcaktohen të gjitha rrethanat e ngjarjes. Ata që janë fajtorë për veprime të kundërligjshme do të përgjigjen. Ministria e Punëve të Brendshme vazhdon të punojë për zbatimin rigoroz të parimeve të rendit dhe ligjit”, thuhet në njoftim në Telegram.
Shërbimi Teknik Shtetëror i Kazakistanit lëshoi një deklaratë në lidhje me incidentin e tabelave dixhitale duke thënë: “Sipas të dhënave paraprake, sulmi u krye nga adresa IP të huaja duke përdorur serverë proxy”.
Anton Gerashchenko, një ish-këshilltar i ministrit të punëve të brendshme të Ukrainës, postoi një video të flamurit të Ukrainës në billbordin dixhital në X, i njohur më parë si Twitter.
Putin mbërriti në Kazakistan të mërkurën për një samit të sigurisë të Organizatës së Traktatit të Sigurisë Kolektive (CSTO), ku ai pritet të diskutojë mbi Ukrainën, tregtinë dhe bashkëpunimin energjetik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
