Hakerët pro-rusë të njohur në Telegram me pseudonimin “NoName057” kanë sulmuar faqet e internetit të aeroporteve të Mialanos, Malpensa dhe Linate, duke krijuar probleme për udhëtarët që duan të kontrollojnë fluturimet e mbërritjes dhe nisjes.
Po ashtu hakerët kanë sulmuar edhe website-n e Ministrisë së Punëve të Jashtme.
Sulmi u njoftua nga vetë kriminelët kibernetikë, të cilët në mesazhin e tyre, ku renditën listën e faqeve të ndryshme që aktualisht janë të paarritshme ose nuk funksionojnë, shkruan: “Rusofobët italianë po marrin një përgjigje të merituar kibernetike“.
Në fakt, përveç aeroporteve Malpensa dhe Linate dhe Ministrisë së Punëve të Jashtme, u goditën edhe portalet e lëvizshmërisë të Sienës dhe Torinos, Transport Group dhe Federtrasporto.
Qendra Kombëtare e Krimit Kibernetik për mbrojtjen e infrastrukturave kritike të Policisë Postare ka nisur tashmë punën për të mbështetur aktivitetet e objektivave të prekur dhe për të kryer hetimet përkatëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
