Greqia ka shtyrë sërish masat kufizuese me Shqipërinë, Maqedoninë e Veriut dhe Turqinë.
Është vendosur që të mbahen kufijtë e bllokuar deri më 25 tetor me Shqipërinë, Maqedoninë e Veriut dhe Turqinë.
Kështu pra, mbetet në fuqi kalimi i kufirit për shtetasit që kanë leje qëndrimi në Greqi, shtetasit grekë dhe punonjësit sezonalë, ndërsa ndalohet të udhëtojnë personat për qëllime turistike.
Mbetet në fuqi masa e testit negativ PCR Covid-19 jo më herët se 72 orë para udhëtimit.
Doganat mes dy vendeve do të mbyllen në orën 23.00 deri në 07.00 të mëngjesit çdo ditë, mbetet në fuqi numri i personave që do të lejohet të kalojnë në Kakavijë 750 persona dhe 300 në Kapshticë, ndërsa të gjithë udhëtarët që hyjnë në Greqi, duhet të karantinohen për 7 ditë në banesën e tyre.
Pas shtimit të rasteve me Covid-19, Greqia ka marrë masa shtesë edhe në brendësi të vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
