.png)
Greqia është vendi i parë që ka përparuar dukshëm në përshtatjen e energjisë së rinovueshme për të mbuluar kërkesat e saj vendase. Për 10 muajt e parë të 2022-shit, 47% e energjisë në Greqi erdhi nga energjitë e rinovueshme, kur para janarit të këtij viti, ajo varej vetëm nga shfrytëzimi i qymyrit linjit për prodhim elektriciteti.
Lëndët djegëse fosile ishin ende përpara në nëntë muajt e parë të vitit, por një rritje në prodhimin e energjisë elektrike nga burimet e rinovueshme, një rënie e ndjeshme e kërkesës për energji elektrike, çmimet e larta të gazit dhe parametra të tjerë ekonomikë përmbysën trendin. Prodhimi i energjisë nga gazi dhe linjiti ra me 58% dhe 23%, në raport vjetor.
Operatori i Energjisë në Greqi ka njoftuar se kërkesa për konsum është reduktuar me 9% për të njëjtën periudhë,
Më 7 tetor, kërkesa në sistemin elektroenergjetik të Greqisë u mbulua 100% nga burimet e rinovueshme të energjisë për të paktën pesë orë për herë të parë.
Energjitë e rinovueshme greke dhe veçanërisht ato diellore janë shënuar për një vit rekord, pasi në gjashtë muajt e parë u shtuan 888 MW dhe kapaciteti i kombinuar i instalimeve të reja pritet të rritet edhe më tej në gjysmën e dytë. Në total burimet e rinovueshme prodhuan 16.8 GWh energji./BalkanEnergyNews
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
