Policia e Tiranës ka publikuar videon e grabitjes së institucionit financiar, dy net më parë, në zonën e Komunës së Parisit, në Tiranë.
Në video duket autori i maskuar dhe me levë në dorë, që futet në banak dhe merr një shumë parash prej 60 mijë lekë të rinj.
Policia thotë se është vënë në pranga 28-vjeçari me inicialet D. K., 28 vjeç, banues në Tiranë dhe ka sekuestruar në cilësinë e provës materiale një biçikletë, me të cilën autori u largua nga vendngjarja dhe një sasi prej 45000 lekësh të rinj.
Siç njofton policia, 28-vjeçari më 7 janar rreth orës 18:30 ka shkuar në rrugën “Medar Shtylla”, në filialin e një institucioni financiar dhe me anë të ushtrimit të dhunës me një shkop metalik, i ka vjedhur punonjësve të këtij filiali një shumë prej 60000 lekësh të rinj dhe dy aparate celular.
Materialet i kalojnë Prokurorisë pranë Gjykatës së Shkallës së Parë Tiranë, për veprën penale “Vjedhja me dhunë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
