Një automjet që transportonte paratë e Drejtorisë së Patentave në qytetin e Durrësit është grabitur pasditen e sotme.
Sipas informacioneve ngjarja ka ndodhur rreth orës 16:30 në Shkozet, ku një makinë me tre persona të maskuar dhe të armatosur i kanë bërë pritë autoblindit.
Nën kërcënimin e armëve, grabitësit kanë marrë të gjitha paratë që kanë qenë në makinë.
Mësohet se shuma e grabitur është 75 milionë lekë të vjetra, ndërsa autorët janë larguar në drejtim të Shijakut.
Burimet bëjnë të ditur se autorët neutralizuan rojet private dhe pasi morën sasinë e parave u larguan në drejtim të Shijakut. Policia e Durrësit është vënë në ndjekje të tyre dhe ka ngritur postblloqe për kapjen e autorëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
