Gazeta Si – Autoritetet italiane kanë lëshuar 31 urdhër-arreste për të shkatërruar një rrjet ndërkombëtar të trafikut të drogës, ku janë të përfshirë edhe shqiptarë.
Raportohet se ky grup ka lidhje të forta me krimin e organizuar shqiptar, megjithatë nuk raportohet nëse ka shqiptar të vënë në pranga.
Bëhet fjalë për trafikun e drogës nga vendet e Amerikës Latine drejt Europës, me lidhje në Itali dhe Holandë.
Operacioni po kryhet nga autoritetet e Milanos, raportojnë mediat italiane, dhe është shtrirë në Holandë, Spanjë dhe Lituani.
Një galeri e artit modern në Amsterdam është sekuestruar nga policia, pasi përdorej për të pastruar paratë e trafikut të drogës përmes faturave fiktive për blerjen e pikturave dhe veprave të tjera.
Hetimet e autoriteteve të Italisë nisën në Shtator të vitit 2019 pas përgjimeve të dy biznesmenëve në fushën e hotelerisë.
Prej andej hetuesit ranë në gjurmët e një rrjeti ndërkombëtar droge me kontakte të drejtpërdrejta në Puglia dhe anëtarë të krimit të organizuar shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
