Dy vëllezër nga Elbasani janë arrestuar pasi kanë goditur një punonjës të ujësjellësit.
Të arrestuarit janë Andon dhe Uran Bërdufi, 55 dhe 29 vjeç, banues në fshatin Katund i Ri.
Ata akuzohen se kanë goditur me grushte dhe sende të forta në banesën e tyre, punonjësin F.B. 35 vjeç, duke i shkaktuar këtij dëmtime fizike.
Edhe punonjësi është proceduar penalisht në gjendje të lirë, pasi raportohet t’u ketë kthyer goditjet me grushte dy vëllezërve.
Vëllezërit Bërdufi do të procedohen për veprën penale të “kundërshtimit të punonjësit që kryen një detyrë shtetërore ose shërbim publik”, ndërsa punonjësi i ujësjellësit për “plagosje e lehtë me dashje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
