Gazeta Si – Gjykata e Lartë ka rrezuar kërkesën e Prokurorisë së Tiranës për ekstradimin e ish-luftëtarit të UÇK-së, Dritan Goxhaj.
Pas vendimit të Gjykatës së Apelit të Përgjithshëm që rrëzoi kërkesën për ekstradim të Goxhajt, prokuroria iu drejtua me rekurs Gjykatës së Lartë, por kjo e fundit vendosi mos pranim të rekursit duke lënë në fuqi vendimin e Apelit.
Vitin e kaluar, konkretisht më 31 korrik, Dritan Goxhaj u arrestua për qëllime ekstradimi. Procesi gjyqësor i tij zgjati mbi 70 ditë dhe Gjykata e Apelit vendosi mos ekstradimin e Goxhajt, madje arrestimi i tij u shpall i paligjshëm.
Dritan Goxhaj u arrestua me një urdhër-arrest të lëshuar nga Gjykata Speciale e Kosovës me qëllim ekstradimin e tij në Hagë.
Ish-luftëtari i UÇK-së u akuzua se ka nxjerrë emrat e dëshmitarëve në disa çështje të hapura më parë nga Prokuroria Speciale e Kosovës, por një akuzë e tillë është hedhur poshtë prej tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
