Gazeta Si – Gjykatës së Posaçme e Shkallës së Parë Kundër Krimit të Organizuar dhe Korrupsionit, ka pushuar një padi për shpifje të kryebashkiakut të Tiranës, Erion Veliajt kundër ish-kryeministrit Sali Berisha.
Në njoftim e GJKKO-së, thuhet se kundër këtij vendimi, mund të bëhet ankim në Gjykatën e Posaҫme të Apelit kundër Korrupsionit dhe Krimit të Organizuar, brenda 15 (pesëmbëdhjetë) ditësh, duke filluar ky afat nga e nesërmja e njoftimit të këtij vendimi.
Në këtë rast, paditësi Veliaj kishte paraqitur një kërkesë për shtyrje, që nuk është marrë në konsideratë nga gjykata.
Në vendimin e zbardhur nga gjykata, theksohet se shpenzimet e çështjes i ngarkohen kryebashkiakut Veliaj.
Padia e Veliajt kishte të bënte me akuzat që ka bërë ish-kryeministri për inceneratorin e Tiranës dhe të ashtuquajtura lidhje të tij me Iranin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
