.png)
Gazeta Si – Gjimnasti rus, i natyralizuar si shqiptar, Matvei Petrov, ka fituar medaljen e bronzit në Kupën e Botës, që po zhvillohet në Azerbajxhan. Ky është një tjetër rezultat i rëndësishëm për sportistin 32-vjeçar, në disiplinën e kalit me doreza.
Petrov grumbulloi 14.766 pikë me performancën e tij, duke zënë një vend në shkallën më të ulët të podit. Para tij u renditën Nariman Kurbanov nga Kazakistani që zuri vendin e parë dhe irlandezi Rhis MekKlenafan në vend të dytë. Për gjimnastin kuqezi është medalja e parë në një Kupë Bote.
Sportisti ynë ka arritur edhe më parë rezultate të larta në arenën ndërkombëtare, siç janë titulli kampion Europe në 2020-ën, apo dhe 2 medaljet e arta që ka fituar në World Challenge.
Aktiviteti që po zhvillohet në Baku është Kupa e 3-të e Botës për 2023-shin në gjimnastikë. Dy të mëparshmet janë zhvilluar në Gjermani në shkurt dhe në Katar në mars. Kupa e 4-t e Botës do të organizohet në Egjipt. Këto evente, bashkë me World Challenge, shërbejnë edhe si kualifikuese për në Lojërat Olimpike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
