.png)
Gazeta Si – Botërori i Katarit jep sot katër bileta të tjera për fazën e 1/8-ve. Nga 8 skuadrat që zbresin sot në fushë, vetëm Kanadaja, që ndeshet me Marokun, është e eliminuar. Vëmendja është e gjitha te Gjermania, që duhet të fitojë me çdo kusht për të shpresuar për kualifikimin.
Skuadrës së Flik, me vetëm 1 pikë në dy ndeshjet e para në grup, jo vetëm i duhet të mundë Kosta Rikën për ta parakaluar në renditje, por ka nevojë edhe për një nder nga Spanja. Iberikët, që kryesojnë grupin me 4 pikë, duhet të mundin Japoninë për vete, por kështu do të ndihmonin edhe Gjermaninë. Fullkrug, autori i golit ndaj Spanjës, pritet të luajë nga minuta e parë.
Trajneri Luis Enrike ka theksuar në konferencë shtypi se skuadra e tij luan vetëm për fitore. Spanja ka qenë bindëse në dy ndeshjet e para dhe sot pritet të bëjë të njëjtën gjë ndaj japonezëve, të cilët surprizuan me fitoren ndaj gjermanëve në ndeshjen e parë.
Kroaci-Belgjikë është një tjetër ndeshje delikate sot, me kroatët të favorizuar, pasi luajnë edhe për barazim. Belgjika vjen në një situatë aspak të mirë në këtë ndeshje, me probleme të brendshme, dhe rrezikon seriozisht eliminimin.
Ndeshjet e sotme
Kanada-Marok (16:00)
Kroaci-Belgjikë
Kosta Rikë-Gjermani (20:00)
Japoni-Spanjë (20:00)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
