“Giro d’Italia” prezanton edicionin “shqiptar”

Për të 15-ën herë në historinë e saj prestigjioze, “Giro d’Italia” do të niset larg Italisë kur karvani rozë të pedalojë nga Durrësi. Një mundësi e mirë për Shqipërinë të shkëlqejë nën prozhektorët e një prej 3 garave më të mëdha çiklistike në Botë. E quajtur “Grande Partenza” në edicionin e 108 do të zhvillohet eksplozive në intenerarin Durrës – Tiranë, ndjekur nga një garë kronometër 13.7 km në Tiranë, pasuar nga një tjetër cirkuit Vlorë – Vlorë aty ku do të jetë edhe ngjitja e parë e vërtetë në Llogara.

Sprint-erët do të duhet të jenë gati kur Xhiro të zbresë në Itali me finishin e parë në Lecce, Matera ndjekur nga Napoli me Finalen në “Via Caracciolo”. Klasifikimi i përgjithshëm do të marrë një formë të qënësishme në etapën e 8 që do përfundojë në Tagliacozzo, ndërsa etapa e 9 në Castelraimondo. Përpara ditës së parë të pushimit, karvani rozë do të kalojë në rrugët e Toskanës me etapën Gubbio – Siena e cila ka rreth 30 km në terren të ashpër përpara 70 km përmbyllës në “Piazza del Campo” si tribut i klasikes “Strade Bianche”.

Në këtë moment Xhiro do të ketë marrë formën e saj dhe vazhdimi do të jetë gara kronometër prej 28.6 km nga Lucca në Pisa. Një ditë më pas në “Castelnovo ne’ Monti” do të kalohet në malet “Pietra di Bismantova”. Gara që përfundon me sprintin në Viadana paraprin ngjitjen në “Monte Berico” në Vicenza ku çiklistët e shpejtësisë mund të ngjiten në katedër. Gara e 14 e dërgon Xhiron në Slloveni, atdheu i më të mirëve në vitet e fundit e për këtë etapa do të përfundojë në Nova Gorica. Java e dytë mbyllet në Asiago duke kaluar nëpërmjet “Monte Grappa” që ka në qendër ngjitjen në Dori, pasuar nga dita e dytë dhe e fundit e pushimit.

Java e tretë do të fillojë me etapën që mbyllet në San Valentino (Brentonico) ndërsa etapa e 17 sjell kalimin në “Passo del Tonale” dhe legjendaren Mortirolo, duke kulmuar në Bormio – një binom etapash deçizive që do të formësojë akoma më shumë Klasifikimin e Përgjithshëm. Sprinti në Cesano Maderno shoqërohet nga etapa Biella – Champoluc, brutale sa ju përket ngjitjeve të tilla si “Col Tzecore”, “Col Saint-Pantaléon”, “Col de Joux” dhe zbritjes delikate në Antagnod. Etapa e parafundit është një test i vërtetë rezistence që përfshin të famshmet “Colle delle Finestre” për ti lënë vendin mbylljes në Sestrière përpara fluturimit drejt Romës për paradën ceremoniale në rrugët historike dhe monumentet e “Qytetit të Përjetshëm”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.