.png)
Gazeta Si – Vëmendja e princeshës Leonor ndaj yllit të Barcelonës, i mbiquajtur jo rastësisht “El principito”, kanë trazuar orët e pritjes para ndeshjes mes Spanjës dhe Marokut në Botërorin e Katarit.
“Gavi princ? Sinqerisht nuk më duket i tillë, jo”. Qëndrimet e trajnerit Luis Enrike në Twitch shërbejnë gjithmonë si spunto. Trajneri spanjoll bën shaka shpesh me ndjëkesit e tij të shumtë.
“Çfarë mendon për faktin se Gavi mund të bëhet mbret i Spanjës?”, – ishte pyetja. Luis Enrike ka filluar të qeshë: “Eh, po, e kam dëgjuar lajmin. Sa ju pëlqen të ngacmoni… Jo, sinqerisht, s’më duket fare i tillë”, – përgjigjet Enrike dhe qesh sërish.
Po si erdhi puna deri këtu? Pse Pablo Martin Paez Gaviria, i njohur si Gavi, futbollist i datëlindjes 2004, mund të aspirojë për fronin? Për një histori gosipi, një histori që duket e sinqertë dhe që ka bërë shumë zhurmë.
Princesha e Asturias, Leonorde Borbon y Ortiz, e lindur në 2005-ën, është e para në radhë për t’u ulur në fronin e Spanjës. Ajo studion në Uells dhe dikush ka bërë me dije se vajza e re ka një ditar të mbushur me foto të lojtarit të Barcelonës.
Ka dhe një indicje tjetër. Javën e kaluar mbreti i Spanjës, i vetmi sovran europian i pranishëm në Katar, ndoqi nga afër Spanjën dhe pas ndeshjes me Kosta Rikën zbriti në dhomat e zhveshjes. Aty i kërkoi Gavit t’i dhuronte një fanellë dhe kjo gjë nuk u ka shpëtuar fotografëve. Mbreti mbante fanellën me numër 9, teksa mesfushori e firmoste nën shikimin e presidentit të federatës Luis Rubiales.
Fanella në fjalë ishte e një masë të vogël, kurse mbreti është trupmadh dhe sigurisht që dhurata nuk ishte për të. ‘Ishte për Leonor”, – kanë shkruar të sigurt sitet e ndryshme në Spanjë.
Shokët e skuadrës ndërkohë i kanë vënë një nofkë të re futbollistit: “El principito” (princi). Për faj të Leonor. Priten konfirmime, por sipas ‘Socialité’, program gosipi, në Shtëpinë e Bardhë nuk ka asnjë problem afrimiteti mes princeshës dhe “princit”.
Halla e Leonor dhe motra e mbretit Felipe, Kristina, është martuar me Injaki Urdangarin, lojtar i Barcelonës dhe një nga ikonat e hendbollit spanjoll. Tani për tani, Gavi mendon vetëm për titullin botëror.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
