.png)
Gazeta Si - Tyson Fury kundër Francis Ngannou. Në Arabinë Saudite vëmendja është maksimale për sfidën ekzibicion, me sfond miliona dollarësh. Ndeshen kampioni i peshave të rënda WBC dhe ish-kampion i botës për peshat e rënda në UFC (bën pjesë në artet marciale mikse).
Që do të jetë mbi të gjita një ‘show’ kuptohet edhe nga ‘titulli’ që është në lojë. Ai që fiton, do të kurorëzohet si "The Baddest Man on the Planet" (Njeriu më i keq në planet).
Për Fury është edhe sfida e parë para 23 dhjetorit, kur ai do të ndeshet në Riad me ukrainasin Usyk në ndeshjen që do të riunifikojë të gjithë brezat e peshave të rënda.
Sfida për të zbuluar 'The Baddest Men on The Planet' do të zhvillohet sipas rregullave zyrtare të boksit profesionist, me 10 raunde dhe 3 gjyqtarë, të cilët, nëse do të jetë e nevojshme, do të vensosin fituesin. Fury, 35 vjeç dhe 206 cm i gjatë, ka 34 fitore, nga të cilat 24 me ‘ko’. Ngannou, 37 vjeç dhe 197 cm i gjatë, debuton në boks.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
