Një aksident rrugor është shënuar pasditen e sotme në aksin Elbasan-Librazhd. Një furgon mallrash me targa AA195 JX ka rënë nga 200 metra lartësi duke përfunduar në lumin Shkumbin.
Ngjarja ka ndodhur në afërsi të Kthesës së Murrashit tek vendi i njohur si Çezma e Myftarit në aksin Elbasan-Librazhd. Sipas dëshmitarëve, mjeti ka qëndruar rreth 20 minuta në ujë deri sa kanë mbërritur forcat e policisë dhe ata të zjarrikëses, të cilët u njoftuan nga banorët e zonës.
Shoferi i furgonit ka pësuar plagë në trup dhe u dërgua në urgjencën spitalore të Elbasanit, ku për fat të mirë është jashtë rrezikut për jetën. Dyshohet se shkak i rrëzimit në ujë, ka qenë shpejtësia e mjetit në këtë aks rrugor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
