Gazeta Si – Një turne i veçantë do të organizohet më 23 mars në “Shtëpinë e Futbollit”, me organizimin e FSHF-së. Në fushë zbresin veteranët e futbollit, por veteranë të zgjedhur.
Bëhet fjalë për një turne, ku do të marrin pjesë tri skuadra veteranësh: Kombëtarja e veteranëve të Shqipërisë, ekipi i veteranëve të Hanoverit dhe ai i Flamurtarit.
Në kryeqytet do të luhen tri ndeshje, që fillojnë me Shqipëri-Hanover, për të vazhduar me Flamurtari-Hanover dhe Shqipëri-Flamurtari.
Veteranët kuqezi drejtohen nga trajneri Sulejman Mema dhe kanë nisur përgatitjet për këtë turne në fushat ku do të zhvillohet aktiviteti I 23 marsit. Kombëtarja e veteranëve të Shqipërisë pritet të zhvillojë edhe një ndeshje miqësore në prill.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
