.png)
Eksperti i Arsimit, Ndriçim Mehmeti, ka publikuar disa foto në Facebook ku shihen grumbuj mësuesish pranë zyrave arsimore. Sipas tij, mësuesit janë detyruar të grumbulloheshin masivisht në dyert e Zyrave Vendore Arsimore për të marrë pikët e provimit pasi MASR nuk i nxjerr dot online.
“Në kulmin e pandemisë qeveria Rama dhe MASR kishin një plan të mirëmenduar; zgjedhje në universitete me pjesëmarrje masive dhe provimi i kualifikimit me pjesëmarrjen e mijëra mësuesve. Por nuk u ndalën me kaq. Për të marrë pikët e provimit, mësuesit duhet të grumbulloheshin masivisht në dyert e Zyrave Vendore Arsimore për të marrë pikët e provimit në kundërshtim me Aktin Normativ e nxjerrë nga vetë qeveria. MASR mburret se do të bëjë mësim online për 650 mijë e më shumë nxënës e studentë dhe nuk nxjerr dot online pikët e provimit për mësuesit. Kjo është shpikja më e re për të ruajtur shëndetin e mësuesve tanë”, shkruan Mehmeti në Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
