Ashtu siç nuk kishte ndodhur ndonjëherë në protestat kombëtare të opozitës së bashkuar që nga shkurti 2019, Lulzim Basha është “braktisur” nga kryetarja e LSI, Monika Kryemadhi.
Kreu i PD ka qenë vetëm në shesh sot në marshimin-protestë, pasi aleatja e tij më e rëndësishme ndodhet në një vizitë pune në Shtetet e Bashkuara të Amerikës.
Në protestë, LSI është përfaqësuar nga kreu i grupit parlamentar, Petrit Vasili, i cili në një deklaratë për mediat tha se të gjithë qytetarët janë në shesh nën moton, “Rama ik”.
Vasili i bëri thirrje policisë të heqë dorë nga provokimet dhe të mbyllë gojën, pasi prova e shqiptarëve është fituar.
Ai është shfaqur në protestë i veshur me një mushama kundër shiut dhe i shoqëruar me ish-deputetët Endrit Brahimllari dhe Floida Kërpaçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
