.png)
Gazeta Si – Presidenti i zgjedhur Donald Trump ka publikuar portretin zyrtar që do të shoqërojë katër vitet e presidencës së tij.
Një portret që menjëherë i bëri njerëzit të mendojnë për një lloj manifesti politik të mandatit të tij të ri presidencial.
Në foto, Trump shfaqet me një shprehje të zymtë, një vetull të ngritur dhe një vështrim kërcënues të kthyer nga poshtë lart, me buzët e mbledhura.
Disa vëzhgues kanë vënë në dukje se imazhi të kujton shkrepjen e zymtë, që iu bë miliarderit kur u arrestua (për disa çaste) nga sherifi i Qarkut Fulton dhe u akuzua për përpjekje për të përmbysur rezultatet e zgjedhjeve të katër viteve më parë në Xhorxhia.
Krahasimi me foton zyrtare të bërë me rastin e inaugurimit të parë të Trump në vitin 2016, është gjithashtu mbresëlënës: më pas ai i tregoi kamerës një buzëqeshje të gjerë dhe qetësuese, e cila tashmë është zhdukur plotësisht.
Ajo që nuk ka ndryshuar, është veshja: xhaketë blu, kravatë e së njëjtës ngjyrë në një këmishë të bardhë dhe karfica e vogël me flamurin amerikan në xhaketë.
Zëvendësja e Trump, JD Vance, megjithatë, në fotografinë zyrtare tregon një fytyrë shumë më të relaksuar dhe një qëndrim qetësues: krahë të kryqëzuara, buzëqeshje të gjerë. Veshja, megjithatë, pasqyron plotësisht atë të Donald Trump.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
