Lumi Vjosa, i gjatë 270 kilometra, rrjedh nga shpatet e mbuluara me pyje të maleve të Pindit të Greqisë deri në bregdetin Adriatik të Shqipërisë.
Ambientalistët dhe shkencëtarët e kanë quajtur Vjosën si lumin e fundit “të egër” në Europë, pasi gjatë rrjedhës së tij nga Greqia nëpër jugun e Shqipërisë e deri në Detin Adriatik, nuk ka asnjë digë apo termocentral.
Qeveria shqiptare e ka shpallur Park Kombëtar lumin Vjosa, një fitore kjo për ambientalistët që luftojnë prej vitesh kundër planeve për të ndërtuar hidrocentrale përgjatë rrugës ujore. Këtu janë disa fotografi të lumit të fundit të egër në Europë.
Një tjetër pamje e lumit Vjosa, e bërë nga Parku Arkeologjik i Bylisit.Një bretkosë e fotografuar në lumin Shushicë, një nga degët më të mëdha të lumit Vjosa.Mirela Kumbaro, ministre e Turizmit dhe Mjedisit tha se Parku Kombëtar prej më shumë se 12.700 hektarësh, përfshin pjesën e lumit 190 kilometra të gjatë në Shqipëri, ku jetojnë më shumë se 60.000 banorë.“Sot ne mbrojmë lumin e fundit të egër të Europës përgjithmonë”, tha Rama më 15 mars, gjatë një ceremonie nënshkrimi në qytetin jugor të Tepelenës, rreth 215 kilometra nga kryeqyteti Tirana.“Ky është një moment historik për Vjosën. Vjosa më në fund do të rrjedhë lirisht përgjithmonë,” shkroi në faqen e saj në Facebook ‘EcoAlbania’, organizata joqeveritare kryesore në luftën dhjetëvjeçare për të shpëtuar lumin.Kryeministri Edi Rama, tha se do të ketë një buxhet fillestar prej 80 milionë dollarësh për të ndërtuar fabrika të reja për të parandaluar hyrjen e ujërave të zeza në lumë.Shpallja e Vjosës dhe degëve të saj Park Kombëtar, do ta bëjë të pamundur realizimin e projekteve të ndërtimit. Qeveria ka anuluar planet e saj të ndërtimit për tetë hidrocentrale në Vjosë dhe degët e saj.Shqipëria prodhon pothuajse të gjithë energjinë e saj nga hidrocentralet dhe planifikoi të ndërtonte 30 hidrocentrale përgjatë lumit Vjosa për t’i plotësuar kërkesat në rritje për energji elektrike. Lumi është shtëpi e rreth 1000 specieve, duke përfshirë ngjalën europiane, si specie e rrezikuar në mënyrë kritike dhe speciet endemike po ashtu të rrezikuara të bimëve.
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
