.png)
Në një kohë kur imazhet e krijuara nga Inteligjenca Artificiale kanë filluar të futen në konkurse arti dhe fotografie gjatë dy viteve të fundit, ndonjëherë duke mashtruar juristët dhe duke provokuar ankth dhe zemërim mes artistëve, një artist ka zgjedhur që të bëjë të kundërtën.
Fotografi Miles Astray vendosi se ishte koha për të ndryshuar rrjedhat. Në një kategori të Inteligjencës Artificiale, ai zgjodhi që të konkurronte me një foto reale të një flamingoje që kishte bërë në Aruba.
Flamingo u shfaq pa kokë, teksa shfaqet duke ulur qafën për të gërvishtur veten me sqepin e tij.
Për habinë e Astray, ai fitoi vendin e tretë në kategori dhe çmimin e publikut.
Arsyeja pse e bëri ishte e thjeshtë.
“E futa këtë foto aktuale në kategorinë e AI të Çmimeve 1839, për të vërtetuar se përmbajtja e krijuar nga njeriu nuk e ka humbur rëndësinë e saj, se Nëna Natyra dhe njerëzit ende mund ta mposhtin teknologjinë. Gjithashtu, dhe për të treguar se kreativiteti dhe emocioni janë më shumë se thjesht një varg i shifrave”, shkroi Astray.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
