Një ditë pas krijimit të Këshillit të Lartë të Prokurorisë, janë zgjedhur sot edhe anëtarët e Këshillit të Lartë Gjyqësor.
Në radhët e gjykatave të shkallëve të para janë zgjedhur Dritan Hallunaj, gjyqtar i Krimeve të Rënda, Blunilda Kadi, gjyqtare e Tiranës dhe automatikisht Marçela Shehu, gjyqtare e Gjykatës së Rrethit Gjyqësor Kurbin, si e vetmja garuese për rrethet.
Nga Gjykata e Lartë zgjidhet automatikisht Medi Bici, pasi është kandidat i vetëm.
Ndërsa nga Gjykatat e Apeleve, u zgjodh automatikisht Brikena Ukperaj, nga Gjykata e Apelit Vlorë, pasi është e vetmja garuese nga gjykatat e rretheve. Gara për një vend mes Ilir Toskës dhe Nertina Kosovës, ka përfunduar me fitoren e Ilir Toskës, nga Gjykata e Apelit Tiranë.
Më herët janë zgjedhur 5 anëtarë jo gjyqtarë, ndërsa 6 anëtarë gjyqtarë u zgjodhën nga votimi i sotëm i gjyqtarëve.
Anëtarët jo gjyqtarë për KLGJ – Avokatia: Fatmira Luli, Alban Toro. Pedagogët: Erion Muharremaj, Maksim Qoku. Shoqëria civile: Naurela Llagami.
Këshilli i Lartë Gjyqësor do të zëvendësojë Këshillin e Lartë të Drejtësisë për nga kompetencat. Po kështu, KLGJ-ja do të zgjedhë edhe anëtarët e Gjykatës së Lartë pasi të formohet, si edhe do të emërojë gjyqtarët në gjykatat e tjera, përfshi këtu edhe Gjykatën Kundër Korrupsionit dhe Krimit të Organizuar, që do të zëvendësojë Gjykatën e Krimeve të Rënda.
Më herët janë zgjedhur 6 anëtarë jo gjyqtarë.
Kandaidatët
Nga Gjykata e Lartë:
Medi Bici – Gjykata e Lartë
Nga Gjykatat e Apeleve:
Ilir Toska – Gjykata e Apelit Tiranë
Nertina Kosova – Gjykata e Apelit për Krime të Rënda
Brikena Ukperaj – Gjykata e Apelit Vlorë
Nga Gjykatat e Rretheve Gjyqësore:
Astrit Faqolli – Gjykata e Gjyqësor Rrethit Tirane
Brunilda Kadi – Gjykata e Rrethit Gjyqësor Tiranë
Manjola Xhaxho – Gjykata e Rrethit Gjyqësor Tiranë
Marçela Shehu – Gjykata e Rrethit Gjyqësor Kurbin
Dritan Hallunaj – Gjykata e Shkallës së Parë për Krime të Rënda.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
