.png)
Nga Gazeta Si- Me rastin e 111-vjetorit të Pavarësisë, në ambientet e Teatrit të Operas dhe Baletit në Tiranë, u mbajt mbrëmjen e djeshme koncerti “Folk Fest 2023”.
500 artistë nga Shqipëria, Kosova, Mali i Zi, Maqedonia e Veriut, Arbëreshët u ngjitën në skenën e TOB për të festuar së bashku ditën e flamurit kuqezi.
Në koncerti performuan repertorët e përzgjedhur nga Festivali Folklorik i Gjirokastrës.
Gjithashtu mori pjesë Ansambli Shtetëror i Këngëve dhe Valleve të Shqipërisë, i cili shpalosi një program këngësh dhe vallesh nga e gjithë Shqipëria. Më pas koncerti vijoi me Ansamblin Shtetëror të Republikës së Maqedonisë së Veriut, me shoqatën ‘Rapsha’ që solli një repertor nga Mali i Zi, Ansambli Shota nga Kosova dhe grupe nga të gjitha qarqet dhe bashkitë e Shqipërisë.
Në skenë u ngjit edhe Ansambli Shqiponja nga arbëreshët, duke bërë kështu një mozaik të të gjithë vlerave të traditës së krahinave ku jetojnë shqiptarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
