Mbrëmjen e djeshme policia ka vënë në zbatim planin e masave për monitorimin e tubimit të thirrur nga ish-kryeministri Sali Berisha mesditën e sotme. Kryefjalë e masave të policisë, e cila tashmë ka kaluar në gatishmëri është ruajtja e institucioneve.
Dera kryesore e Kryeministrisë është veshur me veshje metalike po ashtu dhe fasada e ndriçuar e saj. Ashtu si protestën kombëtare të mëparshme të thirrur nga Sali Berisha më 20 dhjetor të vitit të kaluar do të ketë shumë pak prezencë policore në terren.
Njësitë FNSH do të qëndrojnë në gatishmëri dhe turma do të monitorohet nëpërmjet kamerave të sigurisë për të evidentuar element të dhunshëm apo që synojnë të thyejnë rendin publik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
