Gazeta Si – Trajneri i gjermanëve ka shprehur zhgënjimin për gjithçka që rrethonte skuadrën e tij gjatë Botërorit të Katarit, nga sjellja e tifozëve te rëndësia që lojtarët u jepnin çështjeve politike.
Kupa e Botës pati më shumë hije se dritë për Gjermaninë në të gjitha aspektet. Trajneri i saj, Hansi Flik, i konfirmuar në detyrë, ka folur me shumë pakënaqësi për ndarjen e publikut gjerman gjatë Katar 2022, që përfundoi me eliminimin e ‘pancerave’ që në fazën e grupeve, ku u kualifikuan Spanja dhe Japonia.
“Presidenti francez, Emanuel Makron, ka thënë diçka të tipit: ‘Futbolli është shumë i politizuar. Lojtarët tanë duhet të përqendrohen te futbolli, me politikën merrem unë’. Do të ishte mirë të kishte qenë kështu edhe për ne”, - ka deklaruar 57-vjeçari për ‘Frankfurter Neue Presse’.
😳🇩🇪 FLICK CREE QUE A ALEMANIA LE PERJUDICÓ CENTRARSE TANTO EN LA POLÍTICA
— Post United (@postunited) December 20, 2022
🗣 "Nuestro trabajo es jugar al fútbol, ya hay gente capacitada para gestionar la política. El país estaba dividido y eso es una verguenza"
ℹ️ Frankfurt Neue Presse pic.twitter.com/jzoVbY1CTG
Nuk u ndal me kaq, Flik më tej ishte i qartë se cila ishte detyra e skuadrës së tij gjatë Botërorit: “Detyra jonë është të luajmë futboll. Ka njerëz të tjerë të formuar për t’u marrë me politikë”.
Trajneri Flik ka dhënë një mesazh të drejtpërdrejtë për bashkëkombësit e tij: “Shumë kanë zgjedhur të mos i shohin ndeshjet, kurse të tjerët po. Vendi ishte i ndarë dhe ky është një turp. Futbolli është ai që i bashkon njerëzit. Isha krenar të shikoja tifozët që i kanë mbështetur pa kushte kombëtaret e tyre”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
