Shoqëria Mbretërore e fotografive në Manchester ka zbuluar fituesit e konkursit të saj “Fotografi i shkencës” ku fotografë nga e gjithë bota marrin pjesë me fotografitë e tyre që i përkasin botës së shkencës.
Në konkurs morën pjesë më shumë se 1000 fotografë.
Fotografitë janë shfaqur në një ekspozitë virtuale, si pjesë e Manchester Science Festival.
Fotografia e vitit për shkencën u shpall ‘Ortofoto’ nga fotografi Simon Brown.
Simon Brown ishte fituesi i përgjithshëm me një imazh të një anije të mbytur në Detin e Kuq në 1941.
“Kombinimi i artit me shkencën është një ‘stuhi’ e përsosur krijuese, ku të dhënat dhe interpretimi vizual bashkohen dhe paraqesin një pamje të botës në një mënyrë krejtësisht të re”, tha Brown.
Ortofoto është një pamje ajrore e cila është rregulluar në mënyrë që shkalla të jetë e njëtrajtshme.
Fotografja e re e vitit ishte Katy Appleton me fotografinë “Rainbow Shadow Selfie”.
Fotografia e Katy Appleton tregon rrezet e diellit që bien në sy pasi janë reflektuar në një pasqyrë.
“Unë isha shumë e lumtur dhe e befasuar kur kuptova që imazhi im kishte fituar”, tha Appleton, pas suksesit të saj në kategorinë nën 18 vjeç.\BBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
