Fituesi i një çmimi të madh fotografie ka refuzuar çmimin e tij pasi zbuloi se fotografia e tij ishte në fakt një krijim i Inteligjencës Artificiale.
Fotografia e artistit gjerman Boris Eldagsen, fitoi kategorinë krijuese në çmimin Sony World Photography të javës së kaluar.
Ai tha se e përdori foton për të testuar konkurrencën dhe për të krijuar një diskutim për të ardhmen e fotografisë.
Një zëdhënës i Organizatës Botërore të Fotografisë tha se gjatë diskutimeve të tyre me artistin, përpara se të shpallej fitues, ai kishte konfirmuar se imazhi ishte një “bashkëkrijim” i tij me AI.
“Kategoria krijuese mirëpret qasje të ndryshme eksperimentale për krijimin e imazheve dhe si e tillë kjo fotografi pranohet”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
