.png)
19 vjeçari Jakub Mensik dhe specialistja e turneve amerikanë, Aryna Sabalenka fituan të parin trofe në Miami për meshkuj dhe femra. Djaloshi çek që nuk ishte i klasifikuar në këtë turne dhe më herët ishte stërvitur me kampionin serb në shkollën e tij në Beograd, fitoi dy “tie break” për turneun e parë ATP në karrierë. Duke ndalur Djokovic që të fitonte turneun e 100 përpara fundit të karrierës.
Në moshën 37 vjeç e 10 muaj, Novak u bashkua sërish në “BIG3” me Federer (37 vjeç e 7 muaj në Miami 2019) dhe Nadal (37 vjeç e 7 muaj në Indian Wells 2019) si një ndër 3 gjysëmfinalistët më të vjetër në historinë e turneve Master 1000. Në të njëjtin turne, Nole mbërriti në Finalen e 60. Ndërsa rivali Mensik (19 vjeç e 210 ditë) u bë fituesi i 9 më i ri që fiton një turne Master 1000 dhe i dyti kampion më i ri në Miami, pas Alcaraz.
Tek femrat, Sabalenka dominoi rivalen Pegula duke u bërë e 12 teniste nr 1 që fiton në Miami dhe e para pas Ash Barty në vitin 2021. Si dhe e katërta këtë shekull po të llogarisim Hingis dhe Serena Williams. Sukses që ajo e arriti në Finalen e parë në këtë turne. Sabalenka tani kryeson me 23 fitore dhe vetëm 1 humbje në Shtetet e Bashkuara prej Gushtit të vitit të kaluar. E vetmja që e ka mundur është Mirra Andreeva në “Indian Wells 2024”. Sa ju përket seteve ajo kryeson 46-3, sërish nga Gushti 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
