.png)
Filmi me metrazh të gjatë “Nji prej nesh”, me skenar e regji të Ergys Metës, fitoi 3 çmime në festivalin “Hyjnesha në fron” në Kosovë. Filmi “Nji prej nesh” fitoi çmimin “Filmi më i mirë, “Regjisori më i mirë”, si dhe aktori protagonist Alban Ukaj, u vlerësua me çmimin “Aktori më i mirë”.
Filmi është financuar nga Qendra Kombëtare e Kinematografisë dhe është prodhuar nga shtëpia kinematografike “Era Film”.
Në qendër të skenarit të këtij filmi është Sula, një ish vullnetar i luftës së Kosovës që kthehet në Shqipëri, për t’u bërë pjesë e forcave të rendit. Sula vuan nga çrregullimet e stresit post-traumatik. Por deri ku është i gatshëm të shkojë ai për të bërë drejtësi, në një qytet ku korrupsioni ka kapur majat e hierarkisë së pushtetit?
Ky ishte edicioni i 16-të i festivalit “Hyjnesha në fron”, ku për tri ditë me radhë, u shfaqën filma dhe u zhvilluan aktivitete artistike nga komuniteti i krijuesve të filmit dhe dashamirësve të këtij arti, në kinemanë emblematike “Kino Armata”. Në këtë edicion, garuan 18 filma në kategoritë e filmave të shkurtër dhe të gjatë.
Nga filmat e metrazhit të shkurtër u vlerësuan:
Filmi më i mirë: “Witness”
Filmi me skenarin më të mirë: “Alikija”
Aktori më i mirë: Avni Dalipi, “Ninullë”
Regjisori më i mirë: Hamid Yoosefi, “Sphinx”
Çmimi “Hyjnesha në Fron” shkoi për “Takbir” ndërsa sa i takon filmave me metrazh të gjatë, çmimet ishin:
Filmi më i mirë: “Nji Prej Nesh”
Filmi me skenarin më të mirë: “Forbidden Womanhood”
Aktori më i mirë: Alban Ukaj, “Nji Prej Nesh”
Regjisori më i mirë: Ergys Meta, “Nji Prej Nesh”
Kinematografia më e mirë: Ariel: Back to Buenos Aires
Hyjnesha në Fron: “Nguyen”
Çmimi për vepër jetësore – Xhevat Qorraj
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
