.png)
Nga Gazeta Si - Nga Ant-Man dhe Magic Mike, Cocaine Bear dhe një dokumentar të Pamela Anderson në të cilin ajo tregon historinë e saj - Nicholas Barber liston publikimet e padiskutueshme të këtij muaji.
Saint Omer
Pse dikush do të vriste fëmijën e vet? Alice Diop ia bëri vetes këtë pyetje në vitin 2016, kur po shikonte gjyqin e një gruaje franko-senegaleze që kishte lënë fëmijën e saj në një plazh për t’u mbytur. Pasi bëri emër si producente dokumentaresh, Diop i ka kthyer kujtimet e saj nga gjyqi në një dramë magjepsëse, Saint Omer.
“Diop përdor me vetëdije shumë figuracione të dokumentarëve të vërtetë të krimit”, thotë Sheila O'Malley në RogerEbert.com, “ndërsa në të njëjtën kohë i përmirëson ato. Duke vepruar kështu, Saint Omer bëhet një reflektim shumë më i madh mbi jetën bashkëkohore franceze, përvojwn e emigrantëve dhe hijet që tërheqim me vete ndërsa lëvizim në një hapësirë tjetër”.
Women Talking
Women Talking sapo është nominuar për filmin më të mirë dhe skenarin më të mirë të adaptuar në Oscars të këtij viti. I shkruar dhe drejtuar nga Sarah Polley, dhe i nxjerrë nga romani i bazuar në fakte i 2018-ës i Miriam Toew, filmi paraqet Claire Foy, Jessie Buckley, Rooney Mara dhe një aktore franceze Frances McDormand si banorë të një komuniteti të largët fetar ku burrat janë droguar dhe kanw përdhunuar gratë për vite me radhë. Kur krimet më në fund dalin në dritë, gratë duhet të vendosin se çfarë të bëjnë: të falin sulmuesit e tyre, të luftojnë për drejtësi ose të largohen nga komuniteti.
Broker
Hirokazu Kore-Eda ka shkruar dhe drejtuar një numër të madh filmash të bukur humanë, dhe “Broker” është një prej tyre. Një zonjë e re vendos të japë fëmijën e saj të porsalindur në një kishë për birësim, por zbulon se ekziston një grup aktiv që i vjedh këta fëmijë për shitje. Ajo e gjen grupin dhe bashkohet me ta në një udhëtim emocionues për të gjetur klientë të gatshëm për të blerë fëmijën. Por gjwrat do tw ndërlikohen rrugës.
Pamela, A Love Story
Me fjalët e saj, përmes videove dhe ditarëve personalë, Pamela Anderson ndan historinë e rritjes së saj në famë, romancat e vështira dhe skandalin famëkeq të kasetave seksuale.
Blue Jean
Në vitin 1988, qeveria konservatore e Margaret Thatcher prezantoi klauzolën 28 në Mbretërinë e Bashkuar, një ligj që ndalon autoritetet lokale të “promovojnë homoseksualitetin” dhe shkollat “të mësojnë homoseksualitetin si një marrëdhënie familjare e pretenduar”. Është një kohë nervoze për Jean (Rosy McEwan), heroina e dramës së nominuar për Bafta të Georgia Oakley. Një mësuese e edukimit fizik në një marrëdhënie të lumtur me të njëjtin seks, Jean preferon ta mbajë sekret seksualitetin e saj në shkollë. Por kur një nxënëse e re, Lois (Lucy Halliday), e vë re në një lokal lezbikesh, ajo ka frikë se sekreti do të dalë në shesh. “Ky debutim i mrekullueshëm nga shkrimtarja dhe regjisorja Georgia Oakley përdor një studim intim të personazheve si një lente përmes së cilës mund të shikohet një periudhë krize dhe tronditjeje të thellë për komunitetin gay”, shkruan Wendy Ide në Screen Daily.
Magic Mike's Last Dance
Magic Mike's Last Dance është një komedi-dramë amerikane me regji të Steven Soderbergh, shkruar nga Reid Carolin dhe prodhuar nga Channing Tatum. Është një vazhdim i Magic Mike XXL të vitit 2015 dhe pjesa e tretë dhe e fundit në trilogjinë Magic Mike. Në film luajnë Channing Tatum dhe Salma Hayek Pinault.
Ant-Man and The Wasp: Quantumania
Scott Lang dhe Hope Van Dyne, së bashku me Hank Pym dhe Janet Van Dyne, eksplorojnë Mbretërinë Kuantike, ku ndërveprojnë me krijesa të çuditshme dhe nisin një aventurë që shkon përtej kufijve të asaj që ata mendonin se ishte e mundur.
Knock at the Cabin
“Knock at the Cabin” është një film horror psikologjik apokaliptik amerikan i vitit 2023, shkruar dhe drejtuar nga M. Night Shyamalan, i cili shkroi skenarin nga një draft fillestar nga Steve Desmond dhe Michael Sherman. Ai bazohet në romanin e vitit 2018 “The Cabin at the Fund of the World” nga Paul G. Tremblay, përshtatja e parë e një prej veprave të tij. Në film luajnë Dave Bautista, Jonathan Groff, Ben Aldridge, Nikki Amuka-Bird, Kristen Cui, Abby Quinn dhe Rupert Grint. Në film, një familje prej tre anëtarësh janë duke pushuar në një kabinë të largët, por ata mbahen papritur peng nga katër të panjohur, të cilët kërkojnë që ata të sakrifikojnë një prej tyre për të shmangur apokalipsin.
Cocaine Bear
“Cocaine Bear” është një komedi horror e vendosur në vitin 1985, kur një tregtar droge hedh një qese me kokainë nga avioni i tij. Plani është që një nga punonjësit e tij do të mbledhë çantën, por një ari i zi gëlltit përmbajtjen e saj së pari dhe tërbohet nëpër një pyll të Gjeorgjisë.
Your Place or Mine
Në “Your Place or Mine” luan Reese Witherspoon dhe Ashton Kutcher si dy miqtë më të mirë platonikë afatgjatë. Ajo jeton në Nju Jork dhe ai në Los Anxhelos, por kur ata i ndërrojnë shtëpitë për një javë, në mënyrë që ajo të ketë pushime ndërsa ai kujdeset për djalin e saj, ata e kuptojnë... mirë, mund ta merrni me mend se çfarë kuptojnë.
“Your Place or Mine” premton të jetë një komedi romantike arketipale e Hollivudit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
