“Snowdrop”, “L’Opéra”, dhe seriale të tjera të reja televizive mund të shihen gjatë kësaj fundjave. Gjithashtu ka dalë edhe “The Last Days of Ptolemy Grey” dhe sezoni i dytë i “Upload”. Filmat dhe serialet mund të ndiqen në Disney +, Sky, Apple Tv +, Netflix, Amazon Prime Video dhe Dazn.
Snowdrop (Disney+)
1987 është një vit i rëndësishëm në historinë e Koresë së Jugut, pasi diktatori Chun Doo-hwan ra dakord të mbante zgjedhje demokratike pas një proteste masive. Është gjithashtu viti në të cilin është vendosur edhe seriali Snowdrop, titulli i ri i Koresë së Jugut nga sot në Disney +. Seriali fillon kur studentja Eun Yeong-ro gjen trupin e Lim Soo-ho të mbuluar me gjak. Vajza do të zbulojë se nuk është ai që thotë se është. Mes të dyve lind një marrëdhënie sentimentale, ndërsa në sfond skenari politik ndryshon me shpejtësi. “Snowdrop” bazohet në kujtimet e një burri që u arratis nga një kamp burgu në Korenë e Veriut; në kastin e aktorëve janë edhe Jung Hae-in, Jisoo, Yoo In-na dhe Jang Seung-jo.
The Last Days of Tolomeo Grey (Apple Tv+)
Samuel L. Jackson është Ptolemy Grey, një burrë 93-vjeçar i harruar nga familja, miqtë dhe madje edhe nga ai vetë. Derisa Robyn, gruaja e re që kujdeset për të, mëson për një trajtim të aftë për të rimarrë kujtimet e tij nga kujtesa e paqartë e Ptolemeut. Dhe, së bashku me to, e kaluara e tij shqetësuese dhe misteri i lidhur me vdekjen e nipit të tij. Ditët e fundit të Ptolemy Grey, një mini-serial në gjashtë episode që fillon sot në Apple TV + me dy episodet e para, është marrë nga bestselleri homonim i Walter Mosley, i cili ka redaktuar përshtatjen. Me regji nga Ramin Bahrani, përkrah Jackson është Dominique Fishback.
L’Opéra
Zoe, 35 vjeç, është balerina kryesore e Operës së Parisit, por rrezikon të humbasë punën nga Flora 19-vjeçare. Vendimi është në duart e Sébastien, drejtorit të ri të Baletit: një djalë i ri, ambicioz dhe me një dëshirë të madhe për të sjellë një frymë të re. Ata janë tre protagonistët e “L’Opéra”, një serial i ri francez. Në kastin e aktorëve janë edhe Ariane Labed (Black Mirror) dhe Suzy Bemba gati-debutuese.
Weekend in famiglia
Një tjetër serial francez. Fredi ka tri vajza të lindura nga tri nëna të ndryshme dhe kujdeset për to gjatë fundjavave. Por jo vetëm: nënat janë gjithmonë në mes, si edhe Stan, shoku i tij më i mirë. Situata ndryshon kur Fredi bie në dashuri me Emmanuelle dhe e fton atë të jetojë me të. Një studente e re kanadeze e Psikologjisë së Fëmijëve që lufton me tri vajza të moshës 15, 12 dhe 9 vjeç dhe nënat e tyre: nga teoria e librave universitarë në praktikë, pa u larguar nga rruga.
Once Upon a Time… But Not Anymore
Larg realitetit të trishtë të këtyre ditëve me “Once Upon a Time… But Not Anymore”. Komedia muzikore romantike nga sot do të jetë në Netflix. Komploti: në Mesjetë një çift të dashuruarish, të goditur nga një magji, katapultohen në të tashmen për të çliruar qytetin e tyre nga mallkimi që i pengon qytetarët të bien në dashuri. Seriali mban firmën regjisoriale të meksikanit Manolo Caro, tashmë pas suksesit të “La Casa de Los Florese’ dhe të serialit “Someone must die”. Në kastin ndërkombëtar Sebastian Yatra, Rossy De Palma dhe Mariana Trevino.
Upload
Viti 2033: Nathan, një kodues 27-vjeçar, vdes në një aksident me makinë. Por jeta e tij, të paktën ajo dixhitale, vazhdon në një hotel viktorian me pamje nga një liqen idilik, sepse në të ardhmen e afërt – kjo është ideja rreth së cilës rrotullohet “Upload” – do të jetë e mundur të paguani për t’u ngarkuar në “parajsën” që na përshtatet më së miri. Kjo është e gjitha? Jo, ka edhe një mister. Nathan, në fakt, po punonte në një aplikacion për të krijuar një jetë të dytë falas. Dhe ka dyshime të bazuara se vdekja e tij nuk ishte krejtësisht aksidentale.
Fedi
Borja Valero dhe Fiona May tregojnë për Firencen. Është episodi i ri i Fedi, formati serial i Dazn-it që hap dyert e qyteteve italiane duke përdorur futbollin si çelës. Në rastin e Violës nuk mungojnë idetë: krenaria e përfaqësimit të një prej qyteteve më të bukura në botë, rivaliteti i hidhur me Juventusin, kampionët e vjedhur nga skuadrat e mëdha. Episodi kushtuar Firences vjen pas atij të Bolonjës dhe i paraprin episodit në Verona, të planifikuar për 6 prill. Çdo kapitull shoqërohet nga një kolonë zanore e bërë nga tingujt e qytetit, ndërsa muzika origjinale është kompozuar nga Alex Uhlmann dhe nga Planet Funk.
An Astrological Guide for Broken Hearts
Alice Bassi është një beqare tridhjetëvjeçare që punon si asistente produksioni në një TV të vogël në Torino. Ajo nuk është e kënaqur me punën e saj dhe nuk mund të pranojë që lidhja me Carlon, ish-të dashurin që do të martohet dhe do të bëhet baba, ka marrë fund. Derisa në skenë shfaqet Tio, një aktor telenovelash dhe guru i vetëquajtur i astrologjisë, i cili premton t’i kthejë kuptimin çdo gjëje. “An Astrological Guide for Broken Hearts” është një serial në Netflix, i disponueshëm për disa ditë në platformë me sezonin e dytë. Ai bazohet në një roman me të njëjtin emër nga Silvia Zucca i publikuar në 2015; në kastin Claudia Gusmano, Esther Elisha dhe Alberto Boubakar Malanchino.
Marrë nga Corriere della Sera, përshtati në shqip Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
