.png)
Gazeta Si – Nga gjysmëfinalet do të ndryshojë topi i Botërorit të Katarit. FIFA ka vendosur që ta ndryshojë topin për katër ndeshjet e fundit të kompeticionit.
‘Al Hilm’, që në arabisht do të thotë ‘ëndrra’, do të marrë vendin e ‘Al Rihla’ (udhëtimi), topit të përdorur në 60 ndeshjet e deritanishme të Katar 2022. Topi i ri është më sensibël ndaj pozicionit jashtë loje gjysmëautomatik. Lajmi është bërë i ditur nga vetë FIFA.
Udhëtimi për 28 kombëtare ka përfunduar dhe për 4 sfidat vendimtare mbetet ëndrra e atyre 4 të fundit: Argjentinës, Kroacisë, Francës dhe Marokut.
“Topi përfaqëson progresin e fundit në dizajn dhe ka të njëjtën teknologji që Adidas vendosi të ‘Al Rihla’ dhe që gjatë Botërorit i ka ndihmuar shumë arbitrat të marrin vendime më të shpejta dhe më korrekte”, – shpjegohet në komunikatën për shtyp të FIFA-s.
“Teknologjia e re kombinon inteligjencën artificiale me të dhënat që merren nga çipi i vendosur brenda topit. Duke qenë e lidhur me sistemin gjysmëautomatik të pozicionit jashtë loje, lejon verifikimin e momentit ekzakt kur topi niset edhe në distanca minimale offside”, – vazhdon komunikata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
