Një ngjarje e rëndë ka ndodhur ditën e sotme në Fier ku një i mitur është vrarë nga vëllai i tij po i mitur.
Ka qenë një sherr i zakonshëm mes fëmijëve që ka përfunduar në tragjedi për një familje nga fshati Baltëz.
Sipas të dhënave zyrtare, rreth orës 10:50, ka shkuar i shoqëruar nga familjarët në Spitalin e Fierit shtetasi Gj. V., 13 vjeç, banues në fshatin Baltëz.
Nga hetimet paraprake dyshohet se pas një grindje me njëri-tjetrin, vëllai i tij i vogël, shtetasi i mitur K. V., 10 vjeç, ka marrë thikën dhe e ka goditur. I mituri Gj. V. si pasojë e plagëve të marra, nuk ka arritur të mbijetojë dhe ka ndërruar jetë në Spitalin e Fierit. Grupi hetimor po punon për sqarimin e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
