.png)
Për herë të parë në Shqipëri organizohet ngjarja më e madhe teatrore për fëmijë.
Festivali Kombëtar i Teatrit për Fëmijë ka çelur siparin e tij në qytetin e Beratit.
Trupat teatrale me fëmijë nga 6 qytete si: Durrës, Vlorë, Elbasan, Gjirokastër, Korçë dhe Berat do të performojnë çdo natë në skenën e Festivalit që bashkia e Beratit e ka improvizuar në qendrën e lagjes muzeale “Kala”.
Në natën e parë të Festivalit Kombëtar të Teatrit për Fëmijë kanë performuar trupat tetrale të qyteteve Durrës e Vlorë, të cilët kanw krijuar njw atmosferë të jashtëzakonshme festive për artdashwsit e vegjwl.
Kanë qenë fëmijë të moshave 8-15 vjeç, që janë ngjitur në skenën e teatrit për të performuar pjesë të ndryshme dhe të njohura teatrale shqiptare. Pas këtyre dy qyteteve, në skenën e festivalit do të ngjiten në netët në vazhdim trupat teatrale të qyteteve: Elbasan, Gjirokastër e Korçë dhe Berat.
Juria prestigjoze e përbërë nga Ndriçim Xhepa, Luiza Xhuvani dhe Rajmonda Bulku do të vlerësojë në natën finale të Festivalit, mbrëmjen e 1 Korrikut se cila nga trupat teatrale të fëmijëve do të jetë fituesja e Festivalit Kombëtar të Teatrit për Fëmijë.
Kjo risi që sjell qyteti i Beratit bën të mundur edukimin e fëmijëve nëpërmjet teatrit, duke shkëmbyer kështu kulturën dhe traditat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
