FDA jep OK përfundimtar për Pfizer. Hapet rruga e vaksinimit me detyrim?

Administrata e Ushqimit dhe Barnave (FDA) ka dhënë miratimin e plotë dhe përfundimtar për vaksinën Pfizer-BioNtech, bën me dije New York Times.

Drita jeshile e agjencisë amerikane mund të bindë shumë skeptikë dhe mund t’i hapë rrugën mundësisë së vaksinimit të detyrueshëm nga organizatat publike dhe private, nga shkollat ​​tek ushtria, nga kompanitë tek administrata shtetërore dhe lokale.

Today, FDA approved the first COVID-19 vaccine for the prevention of #COVID19 disease in individuals 16 years of age and older. https://t.co/iOqsxXV1fj

— U.S. FDA (@US_FDA) August 23, 2021

Deri më tani vaksina ishte përdorur vetëm për aplikim emergjent.

Miratimi vjen pak ditë pasi shkencëtarët nga Universiteti i Oksfordit deklaruan në një studim se vaksina Pfizer-BioNTech është fillimisht më efektive kundër variantit të koronavirusit Delta sesa vaksina AstraZeneca, por kjo mbrojtje më pas bie me një ritëm më të shpejtë. Stuiuesit kanë konfirmuar se performanca e përgjithshme e dy vaksinave zvogëlohet nga Delta. Sidoqoftë, dy doza të secilës vaksinë ende sigurojnë të paktën të njëjtin nivel mbrojtjeje të fituar përmes infeksionit natyror. Duket se ka pak ndryshime në efektivitetin e vaksinës AstraZeneca tre muaj pas një doze të dytë, sipas studimit. Në të kundërt, ka një rënie të qartë të mbrojtjes të siguruar nga vaksina e Pfizer gjatë këtij afati të njëjtë kohor.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---