Policia ka bërë me dije mëngjesin e sotëm se ka finalizuar me sukses operacionin e koduar “Hipoteka”. Në pranga si pasojë e këtij operacioni ka rënë 3 shtetas, ish-punonjës të Hipotekës në Laç. Ndërkohë dy shtetasit e tjerë që iu është përcaktuar masa e arrestit me burg, janë shpallur në kërkim nga strukturat e Policisë së Shtetit. Sakaq lidhur me këtë operacion 4 shtetas të tjerë janë proceduar në gjendje të lirë, ndërsa për 2 të tjerë është përcaktuar masa me arrest në shtëpi.
Ish-punonjësit e Hipotekës në Laç të proceduar për këtë çështje, akuzohen për kryerjen e veprave penale tё “Shpërdorimit të detyrës” “Falsifikimi i dokumenteve” dhe “ Pastrim i produkteve të veprës penale”. Në cilësinë e provës materiale u sekuestruan certifikata të ndryshme pronësie, Akte të marrjes së tokës në pronësi , certifikata të ndryshme familjare, plane rilevimi, harta treguese për Rrethin e Kurbinit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
