Është janar, ndaj sigurohuni që të shmangni këto 5 mite të shëndetit e palestrës

Interneti na ka sjellë shumë përfitime duke filluar nga informimi tek argëtimi dhe lehtësira për të mbajtur kontakte me miqtë apo dhe blerjet. Por ai gjithashtu ka dhe anët negative dhe një ndër to është dhe përhapja e ideve jo të vërteta përfshirë mitët që qarkullojnë vazhdimisht për gjendjen fizike dhe shëndetin që mund të ndikojnë negativisht në mënyrën se si stërvitemi dhe ushqehemi.

Luke Worthington, pedagog i shkencës sportive në Institutin e shëndetit në Nebraska, Trainer personal, terapist dhe Nutricionist ka treguar pesë mite nga të cilët duhet të heqin dorë njerëzit në lidhje me shëndetin dhe stërvitjen.

Ngritja e peshave do t'ju bëjë të fortë

Ky është një nga mitet më të zakonshëm që besohet nga gratë.

"Ngritja e peshave nuk do t'ju bëjë të grumbulloheni, do t'ju bëjë të fortë", thekson Worthington. Gratë thjesht nuk kanë të njëjtat nivele të hormoneve ndërtuese të muskujve si burrat, prandaj kur një grua ngre pesha, ajo nuk do të ndërtojë të njëjtën masë muskulore si një mashkull. Studimet kanë treguar gjithashtu përfitimet e mëdha që stërvitja e forcës ka në trupat tanë, me rritjen e muskujve të dobët që çon në uljen e dhjamit trupor, kocka më të forta, gjendje fizike më të mirë, ulje të rrezikut të lëndimit (përfshirë dhimbjen e shpinës), humor i përmirësuar dhe lëvizshmëri më e mirë, veçanërisht ndërsa plakemi dhe masa e muskujve zvogëlohet pork jo nuk do të thotë se detyrimisht jeni më të fortë.

Ne mund të punojmë për t'u bërë "të gjatë dhe të dobët"

"Ju nuk mund të ndryshoni vendin e lidhjes së një muskuli, kjo përcaktohet nga skeleti juaj" shpjegon Worthington për sugjerimin që ne mund të ndryshojmë trupat tanë thjesht duke bërë disa ushtrime. "Ajo që mund të bësh është ta forcosh atë dhe ta bësh atë më pranuese për t'u shtrirë, por nuk mund ta zgjasësh trupin. Ndërkohë, dobësia është rezultat i përbërjes së trupit dhe arrihet më së miri duke përdorur stërvitje për rezistencë si ngritja e peshave për të ruajtur indin e dobët, ndërkohë që jeni në një deficit të energjisë."

Ushqimi pas orës 20:00 ju bën të shtoni peshë

Falë "rregullave" të panumërta të agjërimit të përhershëm që qarkullojnë në internet, shumë kanë filluar të besojnë se ngrënia më vonë gjatë mbrëmjes mund të rezultojë në shtim të shpejtë të peshës. "Përveç ndryshimeve hormonale, humbja ose shtimi i peshës është rezultat i konsumimit të më pak ose më shumë energjie sesa keni shpenzuar gjatë një periudhe të qëndrueshme", shpjegon Worthington. "Kufizimi i konsumit në kohë të veçanta mund të jetë një mjet për të ndihmuar disa njerëz të menaxhojnë marrjen nëse kjo është diçka me të cilën ata luftojnë, por asgjë nuk ndryshon me të vërtetë në pjatën tuaj në orën 20:00!"

Mungesa e stërvitjeve gjatë pushimeve do të thotë që duhet të punoni dy herë më shumë më pas

"Ashtu si bërja e një stërvitje nuk do të sjellë askënd në formë, mungesa e një nuk do t'ju bëjë të dilni nga forma", thotë Ëorthington, duke shpjeguar se ndryshimi vjen si rezultat i sjelljes së qëndrueshme. Ata që kanë filluar më parë një regjim të stërvitjes "viti i ri, stërvitje" dhe e kanë lënë pas disa javësh do të kuptojnë se duhet kohë për të parë rezultate dhe një ditë pa ushtrime nuk ndikon aq shumë sat ë duhet të bëni dyfishin ditën tjetër.

Çajet detoksike dhe dietat mund të pastrojnë trupin

Injoroni reklamat që shihni në Instagram ose blogerët që bëjnë një dietë specifike ose çaj për të "detoksuar" trupin pasi ato nuk funksionojnë.

"Ju nuk mund ta" pastroni "sistemin tuaj me çaj ose ujë por mëlçia dhe veshkat e bëjnë këtë për ju gjithsesi," thotë Worthington.

Ai thotë se as nuk mund të ndryshoni pH të trupit tuaj, kështu që vendosja e një fete limoni në ujë nuk do të bëjë aspak punë.

Burimi: Vogue. Përshtati: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.