Enti Rregullator i Energjisë (ERE) ka lëshuar licencat për prodhimin e energjisë elektrike nga një grup hidrocentralesh të vendosura pranë lumit të Shkumbinit.
Sipas informacionit paraprak, kompania “Egnatia Hydropower” synon të ndërtojë shtatë hidrocentrale me një kapacitet total prej 48.9 MW në lumin Gostimë.
Marrëveshja e saj koncesionare është e vlefshme edhe për pak më shumë se 25 vite të tjera, sipas ERE-s, e cila ka dhënë licencat për prodhimin e energjisë elektrike për kaskadën.
Njësia më e madhe është parashikuar me kapacitet prej 16.8 MW, ndërsa më e vogla është vetëm 450 kW. Sipas të dhënave të disponueshme, më herët ishin planifikuar të instaloheshin të paktën 11 projekte për hidrocentrale në Gostimë.
Një valë investimesh në hidrocentrale të vogla në Ballkanin Perëndimor dhe më gjerë shkaktoi protesta kundër dhjetëra projekteve në vitet e fundit, por ka edhe kundërshtime për përpjekje më të mëdha. Vendasit ankohen për humbjen e aksesit në ujë dhe shkencëtarë të shumtë po paralajmërojnë për rreziqet e erozionit dhe kërcënimet ndaj kafshëve të egra. Për më tepër, ndryshimet klimatike i bëjnë më të shpeshta si përmbytjet ashtu edhe thatësirat .
Kryeministri i Shqipërisë, Edi Rama ka thënë vazhdimisht se qeveria e tij nuk do të lejonte ndërtimin e hidrocentraleve në Vjosë, një nga lumenjtë e fundit të egër në Europë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
