Nga Gazeta ‘SI’ – Kreu i Entit Rregullator të Energjisë, Petrit Ahmeti, ka sqaruar se çfarë do të ndodhë me çmimin e energjisë për furrat e bukës.
Në komisionin e Ekonomisë, Ahmeti tha se furrat e bukës, që prodhojnë vetëm bukë do të vazhdojnë të pagujnë çmimin preferencial, 7.6 lekë/ kWh. Por do të jenë bizneset e tjera që prodhojnë dhe shesin produkte të tjera përveç bukës, që mund të paguajnë çmimin real të energjisë, 18.8 lekë/ kWh.
“Çmimi preferencial është vetëm për prodhimin e bukës dhe jo për zhvillimin e aktiviteteve të tjerë tregtarë. Është i pamundur instalimin i 2 matësve, sipas aktivitetit që ushtrohet, një kërkesë kjo e bërë nga Shoqata e Bukës”, tha Ahmeti.
Ai shtoi se përgjatë këtyre viteve është abuzuar, duke tregtuar edhe artikujt të tjerë brenda furrave. Janë rreth 4000 furra buke që paguajnë çmimin preferencial.
Rikthimi i debatit të çmimit të energjisë për furrat e bukës, ka rikthyer dhe debatin për rritjen e vetë çmimit të bukës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
