.png)
Rregullatori i barnave të Bashkimit Evropian ka thënë se vaksina e Covid-19 nga kompania Pfizer, mund të ruhet në temperaturën më të lartë sesa rekomandohej më parë. Pfizer në temperatura standarde do duhet të ishte -80 në -60 gradë celsius ndërkohë tani do të jetë -15 deri në -25 gradë celsius. Agjencia Evropiane e Barnave (EMA) tha se sapo të shkrihen vaksinat, shishkat e pahapura mund të mbahen në frigorifer për deri në një muaj, ndërkohë që më parë kufiri i vendosur ishte pesë ditë. Fleksibiliteti i shtuar pritet të ketë një ndikim të rëndësishëm në shpërndarjen e vaksinave në të gjithë BE-në.
Nevoja për transport dhe ruajtje në temperatura shumë të ulëta ka qenë një nga disavantazhet kryesore të vaksinës Pfizer. Kërkesat e mëparshme të ruajtjes për vaksinat Pfizer i kanë bërë ato më të vështira për t’u përdorur në disa vende të botës.
Në fillim të këtij muaji Kanadaja autorizoi përdorimin e vaksinës Pfizer për fëmijët midis moshës 12 dhe 15 vjeç, duke u bërë vendi i parë që e bëri këtë për atë grupmoshë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje