.png)
Agjencia Evropiane e Barnave po përgatitet për të inspektuar kompanitë në Rusi që po prodhojnë vaksinën e vendit COVID-19, Sputnik V, tha shefi i agjencisë Emer Cooke,të martën.
Cooke nuk përcaktoi një afat kohor për inspektimin, por tha më vonë se nëse do të miratohet një vaksinë shtesë, ne duhet ta bëhet në bazë të besimit se kompania është në gjendje për të prodhuar vazhdimisht produkt cilësor.
Disa eurodeputetë kërkuan siguri për vlerësimin e EMA-së Sputnik, aktualisht nën rishikim, sepse blloku ka nevojë urgjente për vaksina. Disa vende tashmë po përdorin vaksinën dhe ata së bashku me vendet e tjera të BE që e shikojnë atë si një mundësi për të imunizuar popullatën. Cooke siguroi që agjencia po vlerëson vaksinën “në të njëjtën mënyrë që ka vlerësuar të gjitha vaksinat e tjera.
“Ne mund të vlerësojmë vetëm në bazë të të dhënave që kemi,” shtoi ajo, por ajo vuri në dukje se kompania që përfaqëson Sputnik V ende nuk u është përgjigjur pyetjeve të agjencisë.
Më tej ajo tha se përveç Sputnik V po shikohen edhe vaksinat e tjera si Novavax dhe CureVac.
I pyetur në mënyrë të përsëritur për një afat kohor për miratimin e tyre, Cooke nuk pranoi të tregonte një datë, pasi vaksinat ishin ende nën studim. E pyetur gjithashtu se pse EMA ka qenë më e ngadaltë se Administrata Amerikane e Ushqimit dhe Barnave në aprovimin e vaksinave, shefja përmendi se EMA ka më shumë kërkesa për të dhënat e vaksinave.
Burimi: Politico/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
