.png)
Eksportet shqiptare u rritën me rreth 95 milionë euro në tre muajt e parë të vitit krahasuar me të njëtën periudhë të vitit të kaluar. Të dhënat zyrtare nga Instituti i Statistikave tregojnë se për periudhën janar-mars kompanitë shqiptare shitën 572 milionë euro mallra në tregjet e huaja, ose gati 19 për qind më shumë se një vit më parë.
Sipas Instat eksportet janë rritur për të gjitha grupet e mallrave, por efektin më të madh e kanë dhënë materialet e ndërtimit, industria e fasonit si dhe energjia dhe artikujt bujqësor. Për të gjitha këto grupe rritja e eksporteve krahasuar me një vit më parë ka qenë në rend dyshifror.
Të dhënat tregojnë se kompanitë shqiptare që punojnë për tregjet e huaja po kalojnë një periudhë pozitive, teksa kërkesa nga jashtë vazhdon të zgjerohet. Ky është viti i dytë rresht që eksportet rriten me ritme të larta, pas një periudhë trevjeçare stanjacioni përgjatë viteve 2014-2016.
Tendenca e shkëmbimeve tregtare ka qenë e njëjtë edhe në krahun tjetër, ndonëse në ritme më të ulëta.. Sipas Instat në tre muajt e parë të vitit importet e mallrave nga jashtë janë rritur me 9.6 për qind krahasuar me të njëtën periudhë të vitit të kaluar.
Të dhënat e detajuara tregojnë se rritjen më të madhe tek importet e ka grupi i makineri pajisjeve. Krahasuar me tremujorin e kaluar, importi i makinerive dhe pajisjeve u rrit me 15.5 për qind duke sinjalizuar për zgjerim të investimeve të reja në ekonomi.
Si.
How to Buy Prescription Medications
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
