Pas Austrisë, Holandës dhe Francës, një tjetër shtet ka hequr kufizimet për hyrjen e udhëtarëve shqiptarë me pasaportë biometrike.
Përmes një njoftimi në Facebook, TIA njofton se qytetarët shqiptarë mund të udhëtojnë duke pasur një test PCR të kryer brenda 72 orëve të fundit, test antigen ose certifikatën e vaksinës së aprovuar nga EMA, drejt Danimarkës.
TIA sqaron se vaksinat e miratuara nga EMA për hyrjen në Danimarkë janë Pfizer, Moderna , AstraZeneca dhe Jonhson&Johnson, por jo ato ruso-kineze (“Sputnik” dhe “Sinovac”, të përdorura gjerësisht në Shqipëri.
Testi nuk është i domosdoshëm për grupmoshat nën 15-vjeç dhe për pasagjerët që kanë vërtetim për rezultat pozitiv të testit Covid-19, mes periudhës 14 ditë dhe 8 muaj nga dita e udhëtimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
