.png)
Nga Gazeta 'SI' - Ndonëse ende nuk është konfirmuar zyrtarisht, aktori Eddie Murphy, i cili ka bërë zërin e Gomarit (Donkey), u shpreh se ai ka bërë regjistrimet e para dhe këtë vit, do të mbarojë “Shrek 5”.
“Shrek po rikthehet dhe Gomari do të ketë filmin e tij. Kështu që, do të ketë një film për Shrek-un dhe një për Gomarin”, tha ai në podkastin “Beverly Hills Cop: Axel Foley”.
Kanë kaluar më shumë se 2 dekada nga filmi i fundit i Shrek. 2 filmat e fundit ishin “Puss in Boots” (“Maçoku me çizme) dhe të gjithë prodhimet filmike kanë sjellë 1.6 miliardë dollarë fitime.
Gjithsesi, le të kalojmë në temë! Ja ç’dihet deri më tani për filmin.
Kur do të publikohet “Shrek 5”?
Murphy u tregua optimist, duke thënë se filmi mund të publikohet vitin tjetër.
“Mendoj se do të dalë në vitin 2025 dhe më pas, do të bëjmë atë të Gomarit”. Megjithatë, mbetet ende konfirmimi nga “DreamWorks Animation” dhe “Universal”.
Kush do të jetë në kast?
Eddie Murphy konfirmoi rikthimin me zërin e Gomarit. Shrek do të ketë zërin e Mike Myers dhe Fiona, atë të Cameron Diaz.
Për çfarë flet “Shrek 5”?
Ende nuk ka detaje për historinë e filmit, por njerëzit, bazuar në historikun e filmave, mendojnë se sërish do të prezantohemi me aventurat e reja të Shrek-ut në tokën magjike të “Far Far Away” dhe sigurisht, nuk do të mungojnë situatat komike, batutat, por edhe momentet prekëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
